Canok eta Barandiaranek gehiagorako gogoz utzi zuten Biteri

Aldez aurretik agindu be­za­la, «kapritxo» bat eskaini zu­ten neguko sasoi honetako lehe­nengo gonbidatuek, osti­ra­­lean. Ha­la azaldu dio Kro­ni­ka­ri Idoia Noble Hernani’n Musik ekimeneko laguntzaileak.
Auto biplaza batean bezala, Sidecar arima plazaratu zuten Harkaitz Canok eta Beñat Barandiaranek, bakoi­tzak bere tresnak erabiliz: «Canok, ahotsa eta oholtza gainean egoteko modu dotore ezin bereziagoa; Barandia­ranek, berriz, gitarrarekin batera `gimnasia´ egiteko gaitasun harrigarria», nabarmendu du Noblek. Eta gaineratu du: «Hotsak, batzuetan gozoak, beste batzuetan misterio­tsuak, zenbaitetan indartsuak; hitzak, berriz, freskoak, umore eta ironia ukituz jantziak».
Biteriko aretoan bildu zirenek txalo zaparrada be­roak jo zizkieten bi artistei, gertutasuna adierazi eta gehiagorako es­kaera egin. Azken horrek bere fruitua eman zuen. Canoren hi­­tzetan: «Beti gogoratuko ga­ra Herna­niko saio honetaz, lehen aldiz eskaini baitugu bis bat».
Hurrengo emanaldia, otsai­la­ren 24an izango da. Deriva Errant (Jordi Mestres & Pere Olivé) izango da Biterin. Aurretik, Jon Ansorena txis­tulari hernaniarrak joko du.