Aurkari gogorrenak ere ezin

Denboraldiko aurkaririk gogorrena Bera Bera izan da Hernanirentzat eta atzo argi geratu zen berriz, donostiarrak ere ez direla gai izan aurre egiteko. Hernaniarrek 17-5 irabazi zuten eta denboraldia bukatzeko partidu baten faltan, galdu gabe jarraitzen dute.
Eguraldiaren eraginez, Lan­­dareko zelaia ez zegoen egoera onenean atzokoan, eta egindako jokaldi gutxiak Her­nanirenak izan ziren. Ondo jokatu zuen eta nagusi izan zen partidu osoan. Lehenengo zatira, 11-0 aurretik zirela iritsi ziren. Bigarren zatian entsaio bat egin zuten donostiarrek, baina orduan ere ez zuten gal­tzeko arriskurik izan hernaniarrek. Eta azkenean, 17-5 irabazi. Entsaio bakarra egin zuten hernaniarrek, Ar­kai­tzek, hain zuzen. Azpima­rratzekoa da, Iraitz Garmen­diak 4 zigor kolpe egin izana eta 12 puntu lortu izana.
Hernanik orain, bi asteko deskantsua du eta denboraldiko hurrengo partidua eta azkena, Hospi­ta­leten aurka jokatuko du.

Jexux Mari Gutierrezentzat, Larre-gainen otordua
Errugbi elkarteko bazkideen artean egindako zozketan, Jexux Mari Gutierrez izan da sariduna. Gutierrezek bi la­gu­nentzako otordua irabazi du Ereñotzuko Larre-gain sa­­gar­dotegian (943 55 58 46).