paleta munduko pelotaririk onenak elkartzen dituen txapelketa igandean hasiko da: Kutxa Saria. Hamabi paletarik hartuko dute parte txapelketan: Euskal Herrian egun dauden 8 pelotari onenak batetik; eta lau gaztek bestetik. Hamabi horietatik bi gainera, hernaniarrak dira: Amaia Irazustabarrena eta Ariane Arrieta. Txapelketa nagusiaz gain, Promozio Saria ere jokatuko da aurten, nobedade gisa. Sei pelotarik hartuko dute parte, eta horietatik bi ere, hernaniarrak izango dira: Maider Semper eta Irati Ugalde.
Helburua, pelotari onenak elkartu, eta maila haundiko txapelketa izatea
Kutxa Saria Txapelketak dituen helburuak bi dira: bat, momentuan Euskal Herrian dauden pelotari onenak elkartzea; eta bi, txapelketa lehiakorra izatea, eta bide batez, ezker horman, momentuan dagoen maila haundienekoa izatea.
Txapelketa bihar hasiko da eta final haundia martxoaren 4an jokatuko da, Tolosako Beotibar pelotalekuan.
Txapelketaren sistema
Kutxa Sariko sei bikoteak bi multzotan banatu dituzte. Final laurdenak, multzoka jokatuko dira, hau da, multzo bereko hiru bikoteek elkarren kontra jokatuko dute eta bi onenak finalerdiak jokatzeko sailkatuko dira. Finalerdietan berriz, multzo bakoitzeko bikote onenak beste multzoko bigarrenaren kontra jokatuko du. Azkenik, txapelketako bi bikote onenek jokatuko dute finala.
Promozio Sariari dagokionenan, hiru bikoteek elkarren kontra jokatuko dute, eta finalera, bi onenak pasako dira.
KUTXA SARI NAGUSIA
A MULTZOA
Mendizabal-Arrieta
Aristorena-Ruiz de Larramendi
Housset-Serre
B MULTZOA
Etchelecu-Contin
Irazustabarrena-Arozena
Muneta-Bordagaray
PROMOZIO SARIA
Garmendia-Semper
Isasmendi-Mendizabal
Andueza-Ugalde