Arbasoen aztarnei segika, Epelen barrena

Epeleko bailaran barrena ibili eta Hernaniko aztarna megalitikoak ezagutzeko auke­­ra izango da otsailaren 12an. Izan ere, Mendiriz Mendi Elkarteak, Aranzadi Zientzia Elkarteak eta Her­na­niko Udalak mendi-ibilbide Gidatua antolatu dute, Her­na­ni Ezagutuz ekimenaren ba­rruan. Ibilbidea, Aiako Ha­rria Parke Naturalak Epe­len di­tu­en lurretan egingo da. Bi or­du inguruko ibilia izango da.

Ekimen hori martxan jarri zen, Hernaniko historia, kultura eta natura herritarrei ezagutarazteko asmoz, eta oraingo hau izango da, 4ga­rren irteera. Ibilbidean zehar, azalpenak emango dituzte Txuso Gomezek (Historia­laria eta Udal Artxiboko teknikaria) eta Iñaki Sanz-Az­kuek (Biologoa eta Aranzadi Zientzia Elkarteko kidea).

Autobusa, joan-etorrirako
Antolatzaileek espero dute, ekitaldiak aurre­­­ko urteetan izan duen arra­kasta izatea. Horre­gatik, iaz bezala, autobusa jarriko dute herritarrak ibilbidearen hasierara gerturatzeko, eta bu­kaeran Hernanira bueltatzeko. Irteera: 09:00; itzulera: 14:00.

Bazkaria, Irubide jatetxean
Hernani Ezagutuz-ek Epe­leko bailara bisitatuko duela baliatuz, Epele auzoko Iru­bide Jatetxeak menu berezia prestatuko du, ibilbidearen ondoren bazkaltzera eta indarrak berreskuratzera geratu nahi dutenentzat.
Ibilbide gidatura autobusean joateko edo Irubiden bazkaltzen geratzeko, Men­diriz Mendi Elkartean eman behar da izena, otsailaren 9a baino lehen. Izena eman liteke, astelehen, ostegun eta ostiraletan, 20:00etatik 21:00e­­ta­ra, elkartean (Iturregi plaza). Telefonoz ere eman daiteke izena: 943 33 27 45. Guztia, dohainik da.