Ekin dio Hernanin, txotx garaiak

Inoiz ez omen du ahaztuko Josune Bereziartuk, Herna­nik egin dion harrera ona. Hala adierazi zuen atzo munduko eskalatzaile onenetakoak, Her­naniko txotx denboraldiko irekiera ekitaldian. Gudarien plazan jendetza zela, Goiko Lastolako Laxaro Etxabek ireki zuen kupel haundia, eta gehienek egin zioten tragoa, aurtengo sagardo berriari.

Bisitari guztiei gonbitea egin zien Luis Intxauspe Al­ka­teak, Herna­ni­ra etorri, eta giro onean disfrutatzeko, bai he­rri­an eta bai 12 sagardotegietan.

Sagardoa, sagardotegiak, eta Kaxko Historikoa
Gero eta urrutiagotik etor­tzen dira bisitariak Herna­ni­ra, munduan berdinik ez duen txotx denboraldira. Sa­gardoa probatzeko garaia da, sagardotegietan gozatu, eta herri giroan murgiltzekoa. Aurten, eskaintza berezia jarri du Udalak, Kaxko His­to­rikoa ezagutu, eta sagardo mundu horri buruz azalpenak entzun nahi dituenaren­tzat; sagardo-kata eta guzti.
Luis Intxauspe Alkateak  azaldu zuen Udalaren eskaintza berria, eta txotx denboraldiaren garrantzia azpimarratu zuen. «Ohitura zaharra delako, eta krisi egoera honetan garrantzia duelako ere bai, aktibitate ekonomikoa mugitzen duenez. Zuzeneko eta zeharkako lana sortzen du garai honek».
Horrez gain, azpimarratu zuen, jende uholdea sortzen dela, eta garrantzitsua dela denek errespetuz jokatzea «bai sagardotegietan, eta bai herrian bertan».

Hasiera, festa giroan
Atzoko protagonista festa giroa izan zen. Josune Bere­ziartu omendu zen atzo, eta bertso, txalaparta, herri kirol eta abarrekin txotx-festa herrikoia egin zuten herritarrek, aurtengo sagardoaren izenean. Aurtengoa ere, ederra omen dator gainera.