Bi partidu falta dira liga bukatzeko, eta Hernanik 11 puntu kentzen dizkio bigarrenari. Lider da, eta lider bukatuko du, beraz. Atzo 36-0 irabazi zion Independiente taldeari, erabat lokaztutako Landaren zelaian. Defentsan fuerte aritu ziren kanpotarrak, eta ez zien hain erraz utzi hernaniarrei euren lana egiten. Zelaia zail zegoen atzo, eta joku politik nekez egin zitekeen. Hernaniarrek, ordea, aurten ez dute neurriko zapatarik bilatzen, eta asmatu zuten, bai, baloia eskuz esku ibiltzen, eta zuloak aprobetxatzen. 6 entsaio, hernaniarrentzat: Otxotok bat, Olanok bat, I.Garmendiak bat, eta Genuak bi. Sei aukeratik, lau gauzatu zituzten: I.Garmendiak hiru, eta Genuak bat. Iraitz Garmendiak, zigor golpe bat ere sartu zuen. 300 lagun inguru izan ziren Landaren; sarrera polita, eguraldia kontuan hartuta.
Play-offak buruan
Bi partidu falta dira liga bukatzeko (hurrengo astean Bera Beraren kontra, Landaren), eta Hernanik badaki lehenengo bukatuko duela. Martxoan dira play-offak eta beste taldeko bigarrenaren kontra ariko dira hernaniarrak.