Abere Haragiak enpresako Mikel Lujanbio hernaniarraren zezena hil zuten atzo, Martuteneko Mafrido hiltegian. Ven izeneko zezenak, Akitaniako Blonde arrazakoak, 1.075,2 kilo pisatu ditu kanalean, Gipuzkoa osoan eta inguruan ezagutzen den gehiena eta baliteke munduko errekorra ere hautsi izana: «Guinness errekorren liburuan sartu ahal izateko berandu ibili nintzen, baina begira aritu naiz eta ez dut topatu gehiago pisatu duen halako zezenik», dio Lujanbiok.
Haragi xamurra
Haragia oso ona dela nabarmendu du hernaniarrak: «ohikoa ez bada ere, grasa asko du eta xamurra da». Oraindik ez daki ziur zeini salduko dion haragia. Bezero frantses batek interes haundia dauka eta kalitatea ikusita, bezero gehiago ere azaldu dira.