Pasa den asteburua oso ona izan da Hernaniko korrikalarientzat. CD Hernaniko atletei dagokienean, azpimarratzekoa da, infantil mailan lortutako podium osoa. Hori igandean izan zen, Eibargo Arrate zelaian jokatu zen Bolunburu Krosean. Lehenengo postuan, azken hiru krosetan gertatu bezala, Manex Iradi sailkatu zen. Iradi denboraldi ezinhobea egiten ari da. Bigarren postuan, berriz, Ander Amonarraiz geratu zen eta hirugarrenean, Enaitz Larrañaga.
Sertutxa, Gipuzkoako
txapeldun
Joan den ostiral eta larunbatean, Jasone Sertutxa hernaniarrak bi domina lortu zituen Gipuzkoako Txapelketan. Ostiralean, 60 metroko frogan, zilarrezko domina lortu zuen, eta larunbatean, 200 metrokoan, urrezkoa. Beraz, Gipuzkoako txapelduna da, jubeniletan.
Kortabitartek eta Pavonek, brontzea
Bestalde, Gipuzkoako Pista Estaliko Txapelketa jokatu dute kadeteek eta Carla Kortabitartek, pisu jaurtiketan, eta Maialen Pavonek, altuera jauzian, brontzezko dominak irabazi dituzte.