HERNANIK ez du neurriko areriorik aurkitu momentuz. Denboraldia bukatzeko hiru partidu besterik falta ez diren honetan, jokatutako guztiak irabazi ditu, eta atzoko partidua da horren adibide.
Sei entsaio, eta bi gauzatu
Arratsaldeko aurreneko orduan hasi zen neurketa, eta hasieratik bukaerara dominatu zuen Hernanik. Oviedo ahalegindu zen joku ona egin, eta aurre egiten, baina ez zuen zereginik izan. Hernani zelaian sendo eta indartsu aritu zen, eta atsedenaldira hiru entsaio eginda joan ziren; horietatik bat gauzatu zuten.
Bigarren zatia antzekoa izan zen, eta Hernanik beste hiru entsaio egin zituen. Kasu honetan ere, bakarra gauzatu zuten.
Aurrenekoak,
Bera Beratik 10 puntura
Hernanik lau puntu eta puntu gehigarria lortu zituen atzoko partiduan, eta lider jarraitzen du, partidurik galdu gabe. Gainera, bigarren sailkatua, Bera Bera, 10 puntura dute.
Larunbatean Santanderreko Independienteren kontra jokatuko dute, Landaren, 16:00etan hasita.