«Saharar herriaren garrasia Hernanira ekarri nahi izan da. Zapalduta daude eta errefuxiatu kanpamenduetan baldintza oso gogorretan bizi dira: klima, higienea... Lurralde okupatuetan berriz, egunero sufritzen dituzte eskubide urraketak: bortxaketak, kartzelaratzeak... jazarpena ikaragarria da sahararra izateagatik», hala definitzen zuen Ane Iturbek, antolatzaileetako batek, Saharan egun bizi duten egoera.
Egoera gerturatzeko,
bi modu
Modu asko daude hango bizitza eta gertaeren berri emateko, eta ostegunean, horietako bi aukeratu zituzten Hernanin. Dokumental baten proiekzioa, eta gaiaren inguruko pintxo tertulia.
Garrasia Saharatik da jarri zuten dokumentalaren izena. Txantxangorri elkartean izan zen proiekzioa, eta Mundubatek antolatu zuen, Hernaniko Kooperazio taldea eta Saharar herriaren aldeko talde hernaniarrarekin batera. Pintxo tertulia ondoren izan zen, eta bertan, dokumentalean ikusitakoa eztabaidatu, eta egoeraz hitz egin zuten.
Ekimenaren antolaketak ere, bazuen arrazoi bat: ostiralean 23 preso politikoren kontrako epaiketa hasi zen;, iaz, El Aaiuneko sarraskian atxilotu zituztenak.
Golf lehiaketa, Andoainen
Andoaingo Goiburu golf klubak Sahararen aldeko lehiaketa antolatu du gaur. Osteguneko eta Golf lehiaketako antolatzaileek parte hartzeko deia egin dute.