Ereñotzu Berriketan proiektua martxan izango da asteazkenetik aurrera. Auzo Udalaren egitasmoa da, eta helburua da, 65 urtetik gorako pertsonak elkartu, eta tarte atsegina pasatzeko aukera izatea. Hala, asteazkenero elkartuko den talde berria sortu dute. Auzo etxean izango dute asteroko hitzordua, 17:00etatik 18:30etara, eta aurreneko zita, aste honetan dute.
Arratsaldea pasatzeko, gai interesgarriei buruzko tertuliak antolatuko dituzte, istorio zaharrak ekarriko dituzte gogora, eskulanak egiteko aukera izango dute...
Auzo Udaletik azaldu dutenez, taldea osatuta dago, baina parte hartu nahi duenak oraindik badu izena emateko aukera. Horretarako, Auzo etxetik pasa behar du, eta asteazkeneko hitzordura azaldu.
Saioa eta garraioa, debalde
Horrez gain, jakinarazi dute egitasmoa debalde dela, eta saioetara joan-etorria egiteko garraioa ere izango dela aukeran, debalde.