Berria Txapelketako beste kanporaketa bat jokatuko da gaur, 17:00etatik aurrera, Hernaniko frontoian. Errioxako talderik onena, Titin III eta Arabako amurrio taldea neurtuko dira. Lehia erakargarria espero da eta pelotazaleek gozatu ederra hartzeko aukera izango dute.
Kadeteetan, Petite-Sanchez/Landaluze-Arregi izango dira aurrez aurre eta partidu parekatua aurreikusten da, euren probintzietako lau pelotari onenak baitira.
Jubeniletan, Calvo-Medel/Goikolea-Murga neurtuko dira eta arabarrak nagusi izatea espero da.
Seniorretan ere, oso neurketa parekatua izango da: Kortabarria-Cabrerizo/Gerrero-Iriarte. Bi profesional ohi izango dira aurrez aurre. Cabrerizok Aspen jokatu zuen eta Iriartek Frontisen.
Euskal Herriko Txapelketa
Euskal Herriko Txapelketako partiduak ere jokatuko dituzte gaur Hernaniko pelotariek. Besteak beste, paletan, hiru finalerdi jokatuko dituzte Azkoitian, 16:00etatik aurrera. Jubeniletan, alde batetik, Irazustabarrena-Arrieta/Kurene neurtuko dira, eta bestetik, Pagola-Huizi/Amurrio. Bi bikote hernaniarrak faborito dira. Hirugarren finalerdia seniorrek jokatuko dute, Manzisidor eta Semperrek, Errekaleorren aurka jokatuko dute. Norgehiagoka parekatua izango da, baina hernaniarrek ohiko mailan jokatzen badute, irabazteko aukera haundia dute.
Trinketean, 4 partidu gaur
Gipuzkoako Trinkete Txapelketako 7 partidu garrantzitsu jokatuko dira asteburuan eta gaur hiru izango dira. Besteak beste, aipatu behar da, seniorren lehenengo mailan, Eñaut Esnaolak mailaz jaistea izango duela jokoan, Loiolatarraren aurka. Gaskan izango da, 17:00ak aldera.