AHT, erraustegia, makroespetxea... gelditzearen aldeko mozioa onartu du Udalak

Plenoa izan zen atzo, ez ohikoa, eta bertan, 3 gai izan zi­tuzten erabakigai; horien ar­te­an, bi mozio. Alde bate­tik, Gi­puz­koan azpiegitura-obra haun­­­­­diak gelditzearen aldeko mozioa onar­tu zuen Udalak, AHTaren Aurka­ko Asanbla­dak aurkez­tua. Go­ber­nu Tal­de­ko 8 ordez­kari izan ziren ber­tan eta guztiek alde bozka­tu zuten. Hamai­ka­bat alderdi­ko zinego­tzi ba­karra ere izan zen eta hark kontran bozkatu zuen. Gaine­­rako zinegotziak ez ziren azal­du.

Mozioak bost puntu biltzen ditu eta osotasunean onartu ziren denak. Hala, Udalak bat egiten du gaur zortzi Donos­tian egingo den ma­nifesta­zioa­­rekin, Gipuz­koa desberdin baten alde, jendarte eredua aldatu: azpiegitu­ra-lan haun­diak gelditu! lema­pean. Ho­rrez gain, eska­tzen du lanak gel­di­tzea eta eztabaida bultza­tzea, herrita­rrak infor­ma­tuz. Baita bertan behera uztea erraus­te­­giaren proiek­tua. Mo­zioa­re­kin Uda­lak adierazi du ma­kroes­petxea eraikitzearen aur­ka dagoela eta baita Abia­dura Haun­diko Trenaren eta horre­kin lo­tu­tako Tolarietako Sub­estazio Elektri­koa­ren aurka ere.

Gipuzkoar guztien ordezkaritza, murriztu

Kutxabanki buruzko mozio bat ere onartu zuen atzo Uda­­lak, Gobernu Taldeak aurkez­tua. Bilduk azaldu zuen, Ku­txabank-en ordez­ka­ritza be­rria adostu dela Gipuz­koako Kutxari dago­kion ordezkaritza murriztuta eta on­do­rioz, gi­puz­koar guz­tiena. Hori ho­rre­la, ez du egoki ikusten Admi­nis­­trazio Kon­tseilua osatu iza­na, bi in­dar politikoren artean baka­rrik. Eta eskatu du eusteko Kutxa­bank eratzeko hasieran lortu­t­ako adostasu­nari eta erres­peta­tzeko, orduan hi­tzar­­tutako ordezka­ritza. Go­bernu Tal­deak alde bozkatu zuen; Hamaikabatek aurka.

Kutxako gobernu organoa izen­datu behar denerako, uda­le­rri­en arteko elkarte bat osa­tzea­ren alde azaldu zen atzo Plenoa, Gobernu Taldearen al­de­ko bo­toe­kin eta H1!-en kon­tra­ko bo­toa­rekin. Elkarte hori 14 uda­le­rrik osatzen dute eta tartean da Hernani. Gainera­ko­ak dira: Oiar­­­­t­zun, Lezo, As­ti­ga­rraga, Vi­lla­bona, Lizartza, Mendaro, Usur­bil, Mutriku, Zaldibia, Ataun, Ibarra, Ordi­zia eta Legorreta.