Sagardo berria, edateko prest: lehorra, txinparta finekoa eta freskoa

Aurreneko kupela ireki eta Gure sagardo berria oihu eginda, atzo ireki zuen Julian Iantzik Astigarragako txotx den­boraldia. Irekiera ekitaldia, ohi bezala, Astiga­rra­gako Pe­tritegi sagardotegian egin zen. Aurretik, prentsaurrekoa izan zen Sagardoetxean eta Joxe Angel Goñi Sagardogi­leen ordezkariak, sagardo be­rriari eta uztari buruzko azalpenak eman zituen. «Uda­be­rria epela eta lehorra izan da eta horrek lorealdia aurreratu egin du. Horrez gain, uztaila euritsua izan da eta uzta aurre­ratu egin da. Irailaren erdialdera gehienak tolareetan lanean ari ginen. Beraz, di­­­tu­gu bi sagardo mota: aurreratu dena eta urte guztirako izango dena. Aurreratu dena txotxerako oso ondo etorri zaigu. Eta sagardo hau da, lehorra, azukrerik gabea, txinparta finekoa eta freskoa, tonikoa». Prentsaurrekoan izan zi­ren, baita ere, Andoni Gar­tzia Astigarragako alkatea, Pilar Zo­rrilla Merkataritza eta Tu­ris­­moko sailburuordea, Jon Az­­­kue Arrantza eta Elika­gai­en Industriako sailburuordea eta Jon Uriguen Berrikuntza, Lan­da Gara­pe­n eta Tu­ris­moko diputatua. Denek, sa­gar­doak duen garrantzia az­pi­marratu zuten eta honen alde lanean jarraitu beharra. Ber­ta­ko sa­gar­doaren, labelaren ga­rran­tzia ere nabarmendu zuten.