Igartzagainako tunela kentzearen inguruan prentsa oharra bidali du Hamaikabat alderdiak Hernaniko Kronikara, eta bertan dio, Gobernu Taldeak zeukan informazioa ezkutatu duela. Oharrean azaldu dutenez, Gobernu Taldeak urtarrilaren 6an jakinarazi zuen, prentsa ohar bidez, Udalak jaso berri zuela Diputazioak tunela kentzeko zuen asmoaren notifikazioa: «oharrean zioten berehala jarriko zirela Diputazioarekin kontaktuan, eta jakinaraziko zietela Gobernu Taldeak garbi egingo zuela tunela mantentzearen alde».
«Notifikiazioaren aurretik bidu ziren Diputazioarekin»
Hamaikabatek prentsa oharrean dio, Larraitz Ugartek, Mugikortasuneko eta bide azpiegituretako departamentueko foru diputatuak, idatzi duen gutunean, argi ikus daitekeela aldez aurretik bildu zirela: «Ugartek idatzitako gutuna urtarrilaren 5an erregistratu zen, eta horrek esan nahi du, Intxauspe eta Gobernu Taldea notifikazioa egin aurretik bildu direla Diputazioarekin» Alderdiaren ustez, Bildu informazioa ezkutatzen saiatu da, «egiten ari ziren gestio sekretuek etekina izango zutenaren esperantza baitzuten».
«Hernaniarren interesak defendatzeko gauza»
Azkenik, Hamaikabatek adierazi du Intxauspek eta Gobernu Taldeak erakutsi dutela ez direla hernaniarren interesak defendatzeko gauza: «zalantza askorik gabe aritu dira gezurretan, eta Hamaikabaten kontra hainbat salaketa faltsu egin dituzte. Hamaikabatek ez du barkamen publiko bat espero, baina hernaniarrak benetako ekintzekin defendatzea eskatzen dugu».