Mozorroa eta musika ikuskizuna prestatu, eta festan parte hartzeko deia egin dute

inauterietarako hilabete eskas falta den honetan, antolaketa lanetan hasiak dira. Otsailaren 17tik 21era egingo dira Hernanin, eta Mo­zorro Festako antolatzaileek egin diete aurreneko deialdia partehartzaileei. Ja­ki­na­ra­zi dutenez, aurten ere larunbatarekin ospatuko da festa, eta parte hartu nahi duten talde edo bakarkakoentzat entsaioak antolatu di­tuzte. Lau entsaio egingo dituzte guztira: bi urtarrilean, 17 eta 26an; eta beste bi otsailean, 2an eta 7an. Komeni­garria da otsailaren 18ko festan parte hartuko duten guztiak azaltzea entsaioetara. Hala ere, jakinarazi dute bakoitzak bere kabuz prestatu dezakeela ikuskizuna, eta hortaz, ez dela derrigorrezkoa entsaioetara joatea. Entsaioak Biteri kultur etxean izango dira, aipatutako egunetan, arratsaldeko 17:00etatik 18:00etara. Gazteak, sortzaile Festaren helburua da, musika aitzaki hartuta, gazteak sortzaile bihurtzea: «normalean, gazteak ikusle eta en­tzule soilak izaten dira, eta ekimen honekin, sortzaile bihurtzen dira; hori da helburua». Gazteek, taldeka edo bakarka har dezakete parte, eta aukeratutako musikarekin abestu, dantzatu eta an­tzeztu egiten dute. Horre­tarako, soinu ekipoa, mikrofonoak eta behar duten teknologia guztia izaten dute eskuragarri.