Taldekako tiraldiarekin hasiko da 2012ko Txapelketa igandean, Lasarten

Hernaniko bolariak punteria lantzen hasiak dira, asteburu honetan baitute 2012ko Bola Txapelketako aurreneko tiraldia. Talde­kakoa izango da lehenengoa eta bi tiralditan jokatuko da. Igandean, La­sarten, aurrenekoa; eta hilaren 22an, Ga­birian, bigarrena.

Tiraldi guztiak, ekainera bitartean
Taldekakoa bukatuta, bikotekako tiraldia jokatuko da urtarrilaren 29tik otsailaren 19ra bitarteko asteburuetan: Idiazabal, Ategorrieta, Se­gura eta Añorgan. Ondoren, Lehendakari Sa­ria jokatuko da martxoa osoan eta apirila hasieran. Kasu ho­netan, Hernanin ere izango da tiraldia: Zerainen, Ereñotzun, Aian, Altzan eta Olaberrian. Urteko azkeneko tiraldi haundia, Gipuzkoako Kopa­koa, apirila eta maiatzean zehar jokatuko da, eta kasu honetan ere, herrian izango da tiraldia: Usurbil, Mutiloa, Urnieta, Legazpi eta Floridan. Azkenik, jokatuko diren hiru txapelketak tiraldi bakarrekoak izango dira: Gi­puz­koako, Gabirin; Ema­ku­me­ta­koa, Zerainen, eta Euskal He­rrikoa, Bizkaian.