Hernaniko Udalak, Guatemalako hainbat proiektu laguntzen ditu diruz, Hirugarren Adina Hirugarren Mundurako GKE (ONG) eta Guatemalako Fe y Alegriaren bidez. Lagundutako azken proiektua, eskola bateko ur putzua izan da, Guatemalako Jocotan Chiquimulako eskola batean egin dute ur putzua, hain zuzen, eta proiektu horri buruzko azalpenak emango dituzte asteartean. Erakusketa-proiekzioa izango da 19:00etan, Biterin. Bertan izango da baita ere, Miquel Cortes, Fe y Alegriako zuzendaria, eta proiektuaren inguruko galderak egiteko aukera izango da.
Guztientzako, hezkuntza
Cortesek, herrialdeak bizi duen egoera politiko eta sozialaren berri emango du. Zonalde horretan, haurren bazterketa nabarmena da, batez ere nesketan. Ez dira eskolara joaten. Pobreziaren gorakadak, emakumeengan eragin haundiagoa dauka, eta eskolara joaten ez diren neskengan. Helburua da, pertsona guztiek Hezkuntza izatea eta duintasunez bizitzeko gaitasunak garatzea.