Presoei sekulako babesa, Hernanik ere

Iragarri bezala, kolosala izan zen, atzo Bilbon, euskal preso politikoen eta iheslarien eskubideen alde egindako ma­nifestazioa. Eta Hernanik eman­dako babesa ere seku­lakoa izan zen. Denera, 11 autobus atera ziren Hernanitik: Atse­gindegitik 9 eta Ereñotzu eta Martindegitik bana. Hain zu­zen, 600 lagun inguru izan ziren autobusetan Bilbora joan zirenak.
Manifestazioari dagokio­ne­an, milaka eta milaka la­gunek egin zuten bat alda­rrika­penarekin. Arratsaldeko 17:40etan abiatu zen mani­festazioa La Casillatik, seni­deak buru zirela, eta mani­festazio burua udaletxera iritsi zenean, 19:00ak baino pixka bat lehenago, oraindik jendea zegoen La Casillan.

Bertso saioa Oiartzunen, gaur
Etxerat-ek, presoen aldeko urteroko bertso saioa antolatu du gaur, Oiartzunen. Sarrerak salgai daude Hernanin, Garin eta Aralar tabernetan. Saioa, 17:00etatik aurrera izango da, Elorsoro kiroldegian.