Hirugarren mailako eta Emakumezkoen ligako taldeek gaur jokatuko dute.
Basconia-Hernani, Artunduaga zelaian
Mutilen taldea sailkapeneko azken hiru postuetan dabil denboraldia hasi zenetik. Postu horietatik ihes egin, eta hirugarren mailari eustea da taldearen helburua. Gaur Basconiaren kontra jokatuko dute, Artunduaga zelaian, 17:00etan.
Tolosa-Hernani,
Usabalen
Emakumezkoen ligan, goiko postuetara gerturatzea du helburu Hernanik, hala, igoera fasea jokatu ahal izateko. Hernaniarrak bosgarren dira sailkapenean, eta aurretik Tolosa, gaurko aurkaria dute. Tolosako Usabal zelaian jokatuko dute, 16:00etan.