Txapelketa ukituko bertso saioa, gaur

Bertso saio ederra espero da gaur, Hernanin, Bertsolata bukatzeko. Punta-puntako 6 bertsolari ariko dira bertso­tan eta txapelketa ukitua izango duela esan liteke. Izan ere, alde batetik, Gipuzkoa­ko Txapelketako finalera iri­tsi ziren Hernaniko lau ordez­kariak izango dira: Beñat Gaztelu­mendi (azpitxapeldu­na), Agin Rezola, Jexux Mari Irazu eta Unai Agirre. Eta bestetik, bertan izango dira Andoni Egaña, lau aldiz jarraian Euskal Herriko txapelduna izan dena, eta Julio Soto, egungo Nafa­rroa­ko txapelduna. Gai jartzen ere maila haundiko bertsolari bat ariko da: Maialen Lujanbio, Euskal Herriko txapelduna, hain zuzen. Bertso saioa, gaueko 22:30etan hasiko da eta Biteri kultur etxean izango da. Sarrerak eskuratzeko aukera badago oraindik. Eguerdira arte egongo dira salgai, Tripontzi eta Aralar tabernetan. Sarrera bakoitza 7 euroan dago erosgai.