Opariekin etorri eta muxuekin bueltatu dira Erregeak

Jokuak, panpinak, liburuak, musika, arropa... aurten ere makina bat opari ekarri dituzte Hernaniko etxeetara, Errege Magoek. Gauean zehar ibili dira, isil-isilik, opariak banatzen, baina la­na­ri ekin aurretik, eurekin egoteko aukera izan zuten haurrek, atzo arratsaldean. Meltxor, Gaspar eta Baltasar herrian barrena ibili ziren laguntzaileekin batera, karameluak bana­tzen, eta ondoren, udaletxeko arkupetan, umeek banaka-banaka gutunak emateko aukera izan zuten, sekretutxo eta muxu artean. Opariz lepo etorri eta muxuz gainezka bueltatu dira Errege Magoak. Bestalde, aurten ere, Zaharren Egoitza izan dira.