Luis Garayarrek estu jarri bazion ere, Oscar Redondok irabazi du aurtengo San Silvestreko tiraldia, Txantxangorri elkarteak antolatua. Redondok 24 plater jo zituen, 25 plateretik. Punteria fina dauka hernaniarrak, eta bazirudien inork ez ziola irabaziko. Garayar ere ez zen makal ibili ordea, eta larri ziren kontuak, Santa Barbarako tirolekuan. Garayarrek bi plater segidan huts egin zituen, eta 23rekin, bigarren postuan geratu zen. Hirugarren, Jose Maria Loinaz, 22 platerekin.
Maila onekoa, eta jendetsua, aurtengo San Silvestre tiraldia. Guztira 28 kidek hartu dute parte, eta promesa berriak ere badatozela argi geratu da. Bat, bereziki aipatzekoa, Iban Lasa gaztea. 14 urteko hernaniar honek 15 plater jo zituen.
Parte hartzaile guztiei eman zitzaien sari bana, eta laguntza eman dutenei eskerrak emanez bukatu zuten, urteko azken tiraldia izaten dena, mokadu bat eginez.
Oscar Redondok punteria finena
Redondok irabazi zuen San Silvestre tiraldia, 25 plateretik 24 jota. Txantxangorri elkarteko 28 kidek hartu zuten parte urteko azken tiraldian.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!