Bertsolatak bukaera polita izango du aurten ere, larunbatean punta-puntako sei bertsolari izango baitira kantuan, Biteri kultur etxean. Hernaniko Iraulio Panttalone bertso eskolak harrobi bikaina duela erakutsi du aurtengo Gipuzkoako Txapelketan, lau kide iritsi baitira finalera. Laurak Biterin kantatuko dute larunbatean: Beñat Gaztelumendi, Agin Rezola, Jexux Mari Irazu eta Unai Agirrek. Horiez gain, kanpoko bi, gonbidatu dituzte: Andoni Egaña eta Julio Soto.
Gai jartzaile lanetan ere, tabladu gainean ondo ezaguna den kide bat ariko da: Maialen Lujanbio.
Sarrerak salgai, bihartik
Saioa gaueko 22:30etan hasiko da, Biterin. Sarrerak bihar jarriko dituzte salgai, Tripontzi tabernan, 7 euroan.