Kartzelak hautsi eta presoak etxeratu zituzten atzo

Urteko azken ostirala izan zen atzo eta euskal preso poli­tikoen eta iheslarien eskubi­de­en alde, kalera atera zen he­rri­tar mor­doa, Egin Dezagun Bidea Bil­gunearen deialdiari eran­tzu­nez. Zikuñaga, Portu, An­tziola eta Etxeberri auzoetatik abiatu ziren, kalejiran, eta lau zuta­beak Plaza Berrin elkartu os­tean, ekitaldi berezia egin zu­ten Gudarien plazan. Antzer­kia egin zuten. Guztien artean, kartzelak puskatu eta Her­na­niko presoak etxeratu zituzten. Bestalde, gaur, Martutene­ko espetxera martxa izango da. Hernanitik (Zinkoenea) 10:30etan abiatuko dira eta Astigarragatik, 11:00etan.

Bilbora joateko deia
Urtarrilaren 7an, manifestazio nazionala izango da Bilbon, presoen eskubideen al­de, eta bertara joateko dei egin zuten atzo. Her­na­ni­tik autobusak ja­rriko dituzte, eta izena ema­teko zerrendak daude Txilin, Oindin eta Ga­rinen. Martin­degitik ere aterako da autobu­sa; apun­tatzeko: 666 903 624.