«Bilduk zergatik ez du Hernani defendatzen, Diputazioaren aurrean?»

Astearteko Plenoan PSE-EEk aurkeztutako mozio bat ez zen onartu, Bilduko 9 zi­negotziek kontra bozkatu zu­telako. Horren aurrean, PSE-EEko kideak haserre agertu dira, Hernaniko Kronikara bidalitako prentsa oharrean. Hernaniko Udalak diru bat bueltatu behar dio Di­pu­tazioari, hasiera batean es­pe­ro baino diru gutxiago bildu delako zerga bidez (Gipuz­koako Udal asko daude egoe­ra horretan). Guztira, 917.933 euro bueltatu behar ditu Her­nanik, eta PSE-EEk eskatu zuen, ordainketa hori zatika egiteko; alegia, 2013an zati bat, 2014an beste bat, eta 2015ean azkena. Hernaniko Gobernu Tal­de­ak aurka bozkatu zuen as­tear­teko Plenoan. PSE-EEk ho­na­koa dio: «Udala ito egin nahi du Bilduk. Ez dugu izango bonbillak erosteko ere. Le­he­nago ere sistema hau erabili izan da or­dainketak egiteko, 2009an adibidez. Zergatik ez orain?». Astearteko Plenoan Bilduko zinegotziek azaldu­tako jarrera ere salatu du PSE-EEk. «Asteartean, bazirudien Diputazioko kide bat ari zela hizketan, eta ez Hernaniko zinegotzi bat. Hernaniko Ple­noak defendatu behar ditu Her­naniko diru-kontuak. Era­ba­ki honekin, Hernaniko Uda­l­ak kolpe haundia hartuko du ekonomikoki. Diru hori ondo etorriko litzaioke Hernaniri urte hauetan funtzionatu ahal izateko. Orain, erabat itota geratu da, ezer egiteko».