«Froga faltan, epaileak bertan behera utzi du nire kontrako akusazioa»

Joxan Rekondo Hernaniko Alkate ohiak prentsaurrean sa­latu zuen, Txantxillako etxe tasatuen zerrendak direla-eta bere kontra jarritako aku­sa­zioa funtsik gabea zela, eta horregatik utzi duela epaileak bertan behera. Hernaniko Udalak joan den legegintzaldian aku­sa­zioa jarri zuen Joxan Re­kondoren kontra. Akusa­zio horretan sa­latzen zen, Txan­­txillako etxebizitza tasa­tuak zeini emango zitzaizkien pu­bliko egin zuela Rekondok, Uda­letxeko web gunearen bidez. Bi urteren ondoren, epaileak itxi egin du kasua, «froga faltagatik». Re­kondo: «Ordenagailuko IPak bakarrik presentatu zi­tuzten froga gisan, eta ezin izan dute ezer demostratu. Zer demos­tra­tuko dute ba? Nik ez nuen in­formazio hori inoiz es­kuar­tean izan, eta ez dut inoiz zabaldu. Or­duko Udal Gobernuak gestio penaga­rria egin zuen Txan­txillan, eta hori ezkutatu nahi izan zuen, nire kontrako aku­sa­zio hori publiko eginez. Eta bide batez, foroa itxi zuten, hain ondo funtzionatzen zuena».

«Diligentziak aurkeztu ditugu bi pertsonen kontra»
Hamaikabat alderdiko Iñaki Arratibelek adierazi zuen, de­nuntzia sartu diela fo­roa­ren arduradun zen teknikariari, eta Alkateari. «Orde­na­gailuko IPak ezin dira inoren eskutan jarri, epaile batek agintzen ez badu. Gainera, Alkateak publiko egin zituen, Batzorde batean».