Janari eta produktu ekologikoak, Izpizua kalean: ‘Lurreko’

«Pixura erosteko aukera jarri nahi genuen, granelean, garai batean bezala. Horre­kin batera, produktu guztiak ekologikoak izango dira.  Filosofia horrekin hasi ginen,  eta honetara iritsi gara».
Gaurtik aurrera denda berria zabalik izango da Hernanin, Izpizua kalean: Lurreko. Janariak eta bestelako produktu ekologikoak aukeran izango dira, lokal eder batean. Fruta, berdura, zerealak, gazta, ardoa... era guztietako jaki eta edariak. Eta bestelakoak ere bai: kosmetikako gauzak, umeentzako pixoihalak, jaboiak...

«Zaindu osasuna,
eta ingurumena»
«Bakoitzak bere ontzia ekarri ahal izango du zenbait gau­za erosteko: arroza, lentejak, arta-txikia, cuscusa... eta baita jaboietarako ere: labadorarako, ontziak garbitzeko, lurra eta abar garbitzeko...». Enbaseek produktua garestitu egiten dutela dio Za­piainek, eta ingurumenari kalte egiten zaiola. Horrez gain, osasunez jateari ga­rrantzia eman nahi izan diote. «Ekologikoak mesede egiten digu guri, eta baita inguruari ere».
Produktu freskoak ere izango dira: fruta, berdura... «garaikoak izango ditugu».
Ibon Zapiain da dendako arduraduna, eta oso garbi dauka «talde-lanean» sortu den denda dela berea. «Jende asko izan dut lagun­tzen, eta denei eskerrak eman nahi dizkiet».