Olentzerok umeen muxu eta eskariak jaso zituen, etxez etxe opariak banatu aurretik

Portutik gora korrika, astoa aldamenean zuela iritsi zen larunbat arratsaldean Olentzero Her­na­nira. Leokan elkartu zen lehendabiziko umeekin, Plazan zain bai­tzituen gainon­tzekoak. Kaxkoan zehar buelta egin ostean, Uda­letxeko sarreran egin zien harrera, banan bana, arra­tsalde osoan zain egon ziren ume guztiei. Urduri zeuden ba­tzuk, eta emozioz beteta besteak, baina guztiek zuten helburu bera: Olentzerori muxu bat eman, eta oparia eskatzea. Pixkanaka hustu zen Plaza, eta herritar guztiak afaltzera erretiratu zirenean hasi zen ikazkinaren misioa. Etxez etxe, eskatutako opari guztiak banatu zituen. Ondoren, Onddi mendira itzuli zen, datorren urtera begira, lanean hastera.