«Igartzagainako tunela kentzeko erabakiaren aurrean, Gobernu Taldearen isiltasuna ulertezina da» zioen Hamaikabat alderdiak igandean, Kronikan argitaratutako prentsa oharrean. Hamaikabaten esanetan, «Diputazioak barianteko proiektua moldatzea erabaki du, Portu auzotik pasatzen den tunela kenduta». Horrez gain, Gobernu Taldeak ez duela gaia Hirigintza Batzordera eramateko asmorik azaldu zuen oharrean. Gauzak horrela, Gobernu Taldeak egoera argitzen duen prentsa oharra bidali du Kronikara. Gobernu Taldeak dio, beraiek ez dutela jaso proiektua aldatu egingo denaren informazio edo eskaera ofizialik, eta are gutxiago, tunelik egingo ez denarena. Ondorioz, ez dutela Hirigintzara eramateko ezer azaldu dute.
«Udalak betiko proeiktua defendatuko du»
Horrez gain, Gobernu Taldeak dio hasierako proiektua defendatu dutela beti, ados daudelako, eta etorkizunean ere, hala egingo dutela: «noizbait tunela kentzearen eskaerarik egingo balute, Udalak orain arteko proiektua defendatuko du, tunela egitea beharrezkoa ikusten baitugu».
Azkenik, Hamaikabati adierazi nahi dio prentsara jo aurretik, gauzak etxean kontrastatzea ez legokela gaizki, zurrumurruei kasu egin beharrean.