«Igartzagainako tunela kentzeko erabakiaren aurrean, gobernu taldearen isiltasuna ulertezina da»

Hernaniko Hamaikabat alderdiak ulertezina dela us­te du, Bilduren gobernu tal­dea isilik egotea, Gipuz­koa­ko Di­putazioak Igartza­gai­na­ko tu­nela kentzea eraba­kita. Ha­la azaldu du: «Bil­duk gober­na­­tzen duen Di­pu­tazioak ba­rian­teko proiek­tua moldatzea erabaki du, Portu auzotik pasatzen den tunela kenduta, eta udalerriko gobernu tal­deak ez du gaia Hirigintza Ba­tzordera eramateko as­morik azaldu, gaia baloratu ahal izateko». Hamaikabaten us­tez, go­bernu taldeak utzike­riaz jokatu du eta ez ditu her­naniarren interesak babestu.

H1! tunela kentzearen aurka
Hamaikabat tunela kentzea­ren aurka dago eta honako arrazoiak eman ditu: «tunela kentzen bada, Igartzagaina­ko subestazio elektrikora joateko beste sarbide bat egin behar­ko da. Horrek, itxuran era­gina izango du eta mendia­ren fisionomia hondatuko du». H1!-ek azpi­ma­­rratu du tunela egitea Her­nanik eska­tu ziola Dipu­tazioari 90ga­rren hamar­ka­dan. Eta gaine­ratu du: «Orain, kendu egin­go dute azalpen txiki bat ere eman gabe, eta okerragoa dena, gobernu taldeak ezer egin gabe».