Herritar mordoa, urte honetako pasadizo eta bizipenen urtekaria eskuratzeko gogoz

Udalak, 2011 urtekaria aurkez­­tu zuen atzo. Luis In­txaus­pe alkatea, Glori Men­di­nueta zinegotzia eta Txu­so Go­mez Udal artxiboko zuzenda­ri­ak egin zituzten aurkez­pen la­nak. Urtekariak biltzen dituen erreportaje eta elkarrizketen hainbat egile ere bertan izan ziren. Eta urtero bezala, uda­le­txeko Areto Na­gu­sia bete egin zen gertura­tutako herritarre­kin. Alkateak, eskerrak eman ziz­­kien egileei, Udal artxi­bo­ko langileei eta zuzendariari, eta baita irakurleei ere. «Aur­ten­goa, 18garren urtekaria da. Erre­ferente bilakatu da. Argi da­­go interesa badagoela eta hori eskertzekoa da», azaldu zuen. Aurtengo urtekariak, urte ho­netako 20 pasadizo eta bizi­pen adieragarrienak biltzen ditu eta horien artean, al­ka­teari aipagarria iruditu zi­tzai­on, besteak beste, Ereñotzuko Auzo Udalaren sorrera. «Lehe­­­nen­go auzo udala izan da Gipuzkoa osoan eta 6 urteko prozesuaren emaitza». Aurkezpenean, ur­­­­­te­karia eskuratzeko aukera izan zuten herritarrek. Eta aur­kez­pe­nera ezin izan zu­tenek joan, eros­­­teko aukera izango du­te he­­­rri­­ko liburu­den­detan, 8 euroan.