Hernaniko Kontrakantxa Gaztetxeak 5 urte bete berri ditu eta urteurreneko festa antolatu dute gaur. Haur, gazte eta helduei, hau da, herritar guztiei zuzendutako egitaraua prestatu dute.
Goizeko ekintzak Tilosetan izango dira, eta 11:00etatik aurrera, haurrentzako jolasak izango dira, ondoren, herri kirol desafioa egungo Gazte Asanblada eta orain dela 10 urtekoaren artean, eta pintxoak eta sagardoa debalde. Puzgarriak bertan behera geratu dira, eguraldi iragarpenagatik.
Herri bazkaria ere antolatu dute gaztetxean, 14:30etan. Txartela+kamixeta 15 euroan, Garin, Ekos eta Goiz Argin.
Eta gauerako, kontzertuak antolatu dituzte: Hesian eta Eztanda.
Egitaraua
11:00etan, Tilosetan:
Haurrentzako jolasak.
Herri kirol desafioa.
Pintxoak eta sagardoa debalde.
14:30etan, herri bazkaria Gaztetxean.
Ondoren, Elektrotxaranga herrian barrena.
22:30etan, kontzertuak Gaztetxean: Hesian eta Eztanda.
Parranda goizeko 07:00ak arte!!