Txistorra, taloak eta erromeria gaur, Santo Tomas jaia ospatzeko

Urtero bezala, Santo To­mas Egunetik gertuen da­go­en larunbata izaki, Santo Tomas jaia antolatu du San Joan Konpartsak. Urtero bezala, txistorra eta taloak jateko aukera izango da goiz partean, eta arratsaldean, be­rriz, erromeria Patxi Perez taldearekin. Eguraldi txarra iragarria dagoenez, aurten, ekitaldiak lekuz aldatuko dituzte eta txistorra eta taloak udaletxeko arkupetan egon­go dira erosgai, 11:00etatik 14:30etara. Erromeria, berriz, Atsegindegin izango da, 18:30etatik 20:30etara.

Txerriaren errifetan, akatsa
San Joan Konpartsak txe­rritxo bat zozketatuko du eta azaldu duenez, errifetan akats bat dago. Hori horrela, argibideak eman ditu: «2011ko abenduaren 17ko itsuen zozketaren zenbaki saridunaren lau zenbakiekin bat datorrena izango da gure zenbaki sariduna. Saria jaso­tzeko epea 30 egunekoa da, hau da, urtarrilaren 18ra arte. Sariduna agertzen ez bada, zozketa errepikatu egingo da, 2012ko urtarrilaren 19ko itsuen zozketarekin».

Txistorrada eta Gabonetako zozketak bihar, Sorgintxulo eta Portun Sorgintxulo eta Portu auzoe­tan txistorrada egingo dute bihar, goiz partean, auzotar guztientzat. Sorgintxuloko Auzo Elkarteak jakinarazi duenez, hamaiketakoa egiten den bitartean, saski bat eta ardo botila kaja bat zozke­ta­tuko dituzte elkarteko bazki­deen artean. Bakoitzaren zen­bakia kuotako erreziboan azaltzen da. Saskia, elkarteko lokalean dago ikusgai. Portun, eguerdiko 12:00e­ta­tik aurrera egingo dute txistorrada Ibarrolaburu Pla­zan eta kasu honetan ere, txistorrada bukatzean, Auzo Elkartearen Gabonetako sas­kia zozketatuko dute.