Euskal preso politikoen aldeko txandakako baraualdiak aurrera jarraitzen du eta atzo politikoen txanda izan zen. Hernanin, alderdi politikoetako eta instituzioetako ordezkari eta langileek kontzentrazioa egin zuten Plazan. Bertan, Ezker Abertzaleko, EAko eta Aralarreko ordezkariek azaldu zuten, bat egiten dutela urtarrilaren 7an presoen eskubideen alde Bilbon egingo den manifestazioarekin. Eta herritar guztiei dei egin zieten, «ezberdintasun politiko guztien gainetik, giza eskubideen alde urratsa eman eta herri honek inoiz ezagutu duen mobilizaziorik haundiena denon artean osatu dezagun». Horrez gain, herriko eragile guztiei deialdia luzatu zieten bakoitzaren eskutan dagoena egin dezaten: «bakoitzak bere alorrean, kulturan, gizartean edo kirolean ordutegiak moldatu ditzatela eskatzen dugu, mobilizazio hau indartze aldera». Baraualdian, eragile sozialen txanda izango da gaur eta bihar, azken txanda hori bukatzean, kontzentrazioa egingo da Bulebarrean, 12:00etan.
Bilbora autobusez joateko zerrendak
Bilboko manifestaziora autobusez joan nahi duenak, izena emateko zerrendak Oindin, Txilin eta Garinen ditu.