Añarbek jakinarazi du, uholde egunetan nola jokatu zuen

Kronika - Erredakzioa 2011ko abe. 11a, 01:00
Normalean gainezka egingo lukeen punturaino iritsi zen ura Añarbeko urtegian, eta ia 12 orduz eutsi zion urari, ateak erabat itxi zituelako. Astelehen goizaldean hasi zen ura askatzen.

Añarbeko urtegiak prentsa oharrean jakinarazi du, aza­roaren 6ko uholdeetan eta on­dorengo orduetan nola jokatu zuen. Prentsa oharrean dioe­nez, igandean presa erabat itxita egon zen, eta goizean egindako euritzek eragin zu­ten Urumea ibaia kolpera igo­tzea. Añarbeko Urtegiak nor­ma­lean gainezka egingo lu­keen puntura iritsi zen, eta Taintor izeneko ateak itxi egin zituzten, hori saihesteko. Ia 12 orduz itxita eduki zituzten, eta 00:00ak aldera hasi ziren ura askatzen. Añarbek ur kopuru hori gorde izan ez balu, uholdeak askoz larria­goak izango ziratekeen, Añarbek dioenez.

(TXOSTENA IKUSTEKO, SAKATU HEMEN)

Pausoz pauso

Asteazkenean jaso zuten le­hen­dabiziko abisua Añar­ben, URA agentziatik. Bertan zio­tenez, euri dezente egingo zuen asteburuan, baina ez normaltasun batetik gora. Hala ere, Añarbek erabaki zuen, normalean baino ur gehiago askatzea. Ostegunean alerta mezua jaso zuten. Larunbat eta igan­dean egun guztian 60 litro/m2 bota zitzakeen. Ostiralean, kopuru hori igo egin zuten, 80 litrora, eta abisu naranja eman zuten. Larunbatean, abisu hori pittin bat larriagotu zen, eta 100 litrora igo zuten, eta abisu naranja mantendu. Añarben ate guztiak itxita zeuden, kaudal ekologikoa esaten zaiona izan ezik. Añarbeko plubiometroan baino %13 euri gehiago egin zuen Artikutzan, eta Añarbe erreka igotzen hasi zen. Larunbat goizean Añarbe errekak segunduko 9 m3 zeramazkien, eta 00:00etan, 53 m3 segunduko. Ate guztiak itxita, Añarbek, denbora horretan 900.000 m3 ur hartu zituen, eta beraz, Urumea ibaira ez ziren joan. Igandean, egun osoan 185 litro/m2 euri egin zuen. Goizetik eguerdira bota zituen haundienak, eta Añarbe erre­kak inoizko ur gehiena sartu zuen urtegira: segun­duko 192 litro. Urtegiak gainezka egingo zuela garbi zegoen, eta eguerdian, 12:30etan, hori egin ez zezan, goiko ateak itxi ziren (Taintor izenekoak). Horrela eutsi zitzaion, 00:00ak arte. Hortik aurrera, ura askatzen hasi ziren, beheko ateetatik.

TXOSTENA IKUSGAI HEMEN

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!