hernaniarrak ez daude barkatzeko. Atzo Pagolak eta Huizik aidean irabazi zieten Anoetako Gabirondo eta Maizari, Gipuzkoako Txapelketako finalerdia, eta beraz, datorren astean jokatuko dute finala, Hernaniko beste bikote baten kontra: Goikoetxea eta Arrieta.
Partidu azkarra: 30-7
Atzo erakutsi zuten Pagolak eta Huizik, beste maila batean daudela. Ia zailtasunik gabe irabazi zuten partidua, 30-7, eta kantxaren alde guztietan nagusi izan ziren. Partiduak ez zuen asko iraun. Pagolak gogor astintzen du pelota, eta Huizi segurua da atzean. Datorren astean zailtasun gehiago izango dituzte Goikoetxea eta Arrietaren kontra.
Finalerako, kinielarik ez
Elkar ondo ezagutzen dute Hernaniko bi bikoteek, eta datorren astean pare-parean izatea espero da finalean. Goikoetxeak eta Arrietak zuzenean lortu dute finalerako txartela, ligan lehenengo postuan geratu direlako. Beraz, beraiek izango dute presioa itxura batera. Beste maila bat erakutsi dute aurten, jubeniletan jokatu duten Hernaniko bi bikoteek. Elkarren kontrakoa, beste kontu bat izango da.