Rafa Egigurenek ‘Gauza guztiak’ liburua aurkeztuko du asteazkenean, Txinari buruzko lana

Rafa Egiguren idazle her­naniarrak Gauza guztiak (Pamiela) ize­neko liburua aurkeztuko du asteazkenean. Errioguar­da ja­tetxean izango da aurkez­pena, arratsaldeko 19:00etan. Txinari buruzko lana da. Ez da ohiko turismo gida bat, baina Txinara bidaiatu nahi duenak badu herrial­dearen inguruan zer ikasi Gauza guztiak liburuarekin. Egigurenek duela 25 urte idatzitako oharrak, han izan­dako bizipenek utzitako oroi­tzapenak eta herrialdeko kulturaren oinarriak jaso ditu lan horretan.

Euskaldunen urratsak, Txinan
Txinako kultura ezagutzeko aukera eskaintzen du Egi­gurenek liburu honen bidez. Liburuaren muinean, he­rrial­­deko kulturaren barrun­beak daude, hau da, taoisten par­abolak. Ondoren izan ziren neotaoistenak ere presente daude, beste geruza batean. Hizkuntza bera ere landu du, txineratik euske­razko itzul­pe­nak eginez, esaerak eta esa­nahiak sartuz. Tang ga­raiko olerkiak eta Song ga­raiko pinturak izan ditu hizketagai, elkarrekin oso lotuta dauden bi arte. Eus­kaldunek Txinan egin­dako urratsak ere ekarri ditu go­gora, pelotari eta jesui­tenak tarteko. 

Zortzi liburu
Egiguren, euskeraren irakas­kuntzan eta itzulpengintzan aritu da besteak beste, eta gaur egun hizkuntza nor­malizazioan egiten du lana. Zortzi liburu idatzia da: Gauza guztiak liburuaz gain, 3 olerki, 2 nobela eta 2 itzulpen.