bailarako turismoa bultzatzeko, bilerak egiten hasiko dira astelehenean, Andoaingo Urigain kultur etxean. Turismo Mahai bat sortu nahi dute, eta bertara joateko dei egin diete turismoarekin lotura izan dezaketen talde guztiei: merkatari, enpresa, administrazio eta abar. Herri hauek sartu dituzte deialdian: Hernani, Andoain, Astigarraga, Lasarte-Oria, Urnieta eta Usurbil.
Turismo Plana egiteko lehendabiziko pausoak
Bilera honetan hainbat gairi buruz ariko dira. Lehenengo, aurkezpen bat egingo du Behemendi elkarteak, bera baita arduraduna bailarako Turismo Plana gestionatzeko, eta elkarteen arteko bilerak dinamizatzeko. Eskaera Basquetourrek egin dio. Lehendabizi Turismo Mahaia sortuko da, eta gero Turismo Plan bat egitea da helburua; turismoa bultzatzeko plan bat, alegia. Begiratuko da bailarak zein turismo bide dauzkan eta zein bide gehiago izan ditzazkeen. Dagoeneko aipatu dituzte batzuk: enogastronomia, natura eta abentura, Santiago bidea...