Zurutuza eta Ezeiza aurrez aurre gaur, txapelketa hasteko

Hernaniko Lauterdiko Txa­­pelketa hasiko da gaur. Hiru partidu jokatuko dira 11:00etatik aurrera, Kirolde­gian. Hasteko, seniorrek jo­ka­tuko dute: Mikel Zurutuza eta Unai Ezeiza izango dira aurrez aurre. Ondoren, jubenilen bi partidu izango dira: Oihan Lujanbio/Hodei No­ble eta Jon Leonet/Jon Etxe­goien.

Ostegunean, beste hiru partidu
Txapelketako beste hiru partidu jokatuko dira ostegunean. Goizeko 11:00etatik aurre­ra jo­katuko dira, Kirol­de­gian. Neurtzen aurrenekoak infantilak izango dira: Iñaki Urru­zola/Ander Laz­ka­no eta Alain Agirre/En­di­ka Ariz­mendi. Hirugarren eta azken partidua jubenilena izango da: Iñigo Urki­zu/Oier Garcia.

33 pelotari
Txapelketa abendu osoan zehar jokatuko da eta Herna­niko pe­lotari federatu gehienek hartuko dute parte, de­nera 33k: 11 infantil, 8 jubenil eta 14 senior.

Gipuzkoako Txapelketa: Altuna eta Lujanbio II, finalik gabe
Altuna eta Lujanbio IIak Gi­puzkoako Txapelketako finalaurrekoa jokatu dute jubeniletan, Urretxuren aurka, eta 22-14 galduta, finalik gabe geratu dira. Bikote hernaniarrak ez zuen bere ohiko mailan jokatu. Dena dela, txapelketa ona egin dute eta euren jokoa asko hobetu dela azpimarratu du Rufino Rekalde pelota elkarteko arduradunak. yy