Ehundaka herritar gerturatu ziren atzo, artisauen lanak ikusi eta erostera

txiki geratu zen atzo Atsegindegi, jendearen emana etengabea izan baitzen. Pablo Lasaren omenezko 32garren Artisau Azoka jarri zuten bertan, goiz eta arratsalde, Her­naniko eta inguruko herrietako 26 artisauen postuekin. Bitxigintza, zeramika, larru­gintza, egurra, maketak, margotutako teilak, zeramika, otargintza... denetariko lanak ikusi eta erosteko aukera izan zen; eta kuriositateak asetzekoa ere bai. Artilea lantzen ari ziren postura gerturatu ziren herritar asko, eta galderak eginez, kuriositate guztiak argi­tzeko aukera izan zuten. Urtetik urtera arrakasta haundiagoa du azokak, eta izango dira dagoeneko datorren edizioan pen­tsatzen ari direnak ere.