Sei bertsolari zein baino zein ariko dira gaur, Galarreta pelotalekuan, Gipuzkoako bertsolari txapelketako finalean leku bat egiteko asmoz. Finalerdietako hiru saiotan azkena da gaurkoa, jende gehien bilduko duena, kirioak dantzan, finalean zein zortzi bertsolarik kantatuko duten jakinminez. 1.500 lagun espero dira gaur Galarretan. Saioa 17:30etan hasiko da, eta 400 sarrera jarriko dira salgai bertan, 16:00etatik aurrera.
Gutxienez, 479,5 puntu behar
Finaleko pasea ez dago merke. Aurreko saioak oso goitik joan dira, eta gutxienez, 479,5 puntu beharko ditu aurrera egin nahi duenak, baina denek diote 482an egongo dela muga. Saioa irabazten duenak plaza aseguratua izango du, eta gaur, edozeinek irabazi lezake.
Jon Martin eta Jokin Uranga jotzen dituzte denek faborito, finalaurdenetan beren saioak irabazita pasa baitira finalerdietara. Jon Martinek Gipuzkoako bi finaletan kantatu du, eta 2003an txapeldunorde izan zen. Urangak 2005eko Euskal Herrikoan 9garren egin zuen.
Beste lau bertsolariak ere ez dira makalak. Mantxik eta Agirrek txapelketa ederra daramakite, eta Apalategi eta Agirreazaldegi oso goian ibiliak dira.
Hernaniko ordezkariak, zai
Hernaniko bertso eskolako lau ordezkari finalerako postuetan dira, eta gaurko saioan adi-adi egongo dira entzuten. Irazu eta Gaztelumendi finalean dira, eta Agirre eta Rezola, ia seguru.
Hernanin gaur
Galarreta pelotalekuan 17:30
l Jon Martin
l Jokin Uranga
l Iñigo Mantzizidor Mantxi
l Amaia Agirre
l Iñaki Apalategi
l Ainhoa Agirreazaldegi
Finalean zuzenean:
l Jexux Mari Irazu 496,5
l Beñat Gaztelumendi 490,5
Puntuazioz finalean momentuz:
l Aitor Sarriegi 492
l Unai Agirre 490
l Agin Rezola 486
l Alaia Martin 482
l Felix Zubia 479,5