auzolana bultzatzea da Ereñotzuko Auzo Udalaren helburuetako bat, eta asmo horrekin, bilera antolatu dute gaur goizean. 11:00etan hasiko da, auzo etxean, eta ereñotzuar guztiak daude gonbidatuta.
«Auzolana geroz eta tresna inportanteagoa izango da»
Kronikara bidalitako oharrean, Auzo Udalak dio auzolana izango dela bere gestioren ardatz nagusia bi arrazoiengatik: batetik, euskal kulturaren ardatzetako bat izan den jokamoldea berreskuratuko delako; eta bestetik, krisi ekonomikoaren eraginez, Auzo Udalaren baliabideak mugatuak direlako eta tresna honek auzoko beharrei aurre egiten lagunduko duelako.
Bost puntu,
auzolana antolatzeko
Auzolanean egin beharreko zenbait lan zehaztuta dituzte, eta horien berri eman eta antolatzeko, bost puntu izango dituzte gaurko bileran hizketagai: 1) Auzolanean egin daitezkeen proiektu eta lanen berri ematea; 2) Egutegi moduko bat zehaztea: urte bukaeran eta datorren urtean zehar; 3) Zein lan mota egin behar diren zehaztea; 4) Auzolanerako prest egongo lirateeken auzotarren zerrenda osatzea; eta 5) Auzolana antolatzea.
Telefonoz, baiezkoa Bilerara joan ezin dutenek, baino auzolanean parte hartzeko asmoa dutenek, telefonoz eman dezakete baiezkoa, eta zein lan egiteko prest egongo liratekeen esan. Horretarako, ondorengo telefono zenbakira deitu behar dute: 943 55 10 00.