Euskal preso eta iheslarien egoera aldatzeko asmoarekin, herritar talde batek batzarra antolatu zuen azaro erdialdean. Ideia asko bildu ziren orduan, eta horiek lantzeko asmotan hiru fetxa jarri zituzten. Hiru bilera horiek joan den astean egin zituzten, eta bertan, aurreneko pausu gisa, datorren urtarrilaren 7ko manifestazioa antolatzea erabaki zuten.
Antolaketa, lan banaketa eta koordinazio lanetarako taldeak egin dituzte, eta astelehenetan elkartuko dira Biterin, arratsaldeko 19:00etatik aurrera.
Atxikimenduetarako, mahaiak asteburuan
Atxikimenduak ere bilduko dituzte, bai indibidualak eta baita eragileenak ere. Horretarako mahaia jarriko dute asteburuan: larunbatean 12:00etatik 14:00etara egongo dira Plaza Berrin; eta igandean ordu berean, Atsegindegin.
Kontzentrazioa, Zinkoenean
Horrez gain, ostiraleroko legez, kontzentrazioa egingo dute gaur Zinkoenean. Arratsaldeko 20:00etan izango da, Gaixo larriak eta kondena osoa betea duten presoak etxera lelopean.