Uholdeek kaltetutakoei laguntza ematea eskatu die Udalak Diputazio, Eusko Jaurlaritza eta Espainiako Gobernuari

hamabost puntu aztertu eta bozkatu zituzten oste­guneko Plenoan, eta guztiak onartu ziren. Puntu horietatik bat 2011ko aurrekontuan egindako aldaketa bat izan zen. Eta lau mozioak izan ziren, hiru Bilduk aurkeztuta­koak eta bat Alderdi Jeltzalearena.

Alkatea eta bi zinegotzi, liberatuta
2011ko aurrekontuan 11. arti­kulua aldatzea izan zen Ple­noak atzo onartutako pun­tuetako bat. Orain arte, Al­katea eta zi­ne­gotzi bat jornada osoz ari ziren, eta bat erdiz. Aldaketa honen ondoren, Alkatea eta bi zine­gotzi ariko dira jornada osoz. Eta gehiago kobratuko dute, kalkuluetan akatsen bat omen zegoelako, urteko: Alka­teak 34.790 euro eta Udalbatzako beste kideek: 29.245,86.

«Uholdeen ondorioak larriak izango dira»
Mozioei dagokienean, aza­roaren 6ko uhol­dee­takoa izan zen aho batez onartu zen ba­ka­rra. Ber­tan, uholdeek egin­dako kalteak ekartzen dira gogora, hala nola, Karabel, Portu, Florida, Osiñaga, Fa­go­llaga eta he­rriko beste hainbat auzoek jasandakoak. Baita ere in­dustrialde eta lantegiek, eta Zubipe eta Landare kirol ze­laiek sufritutakoa ere. Az­kenik, gogoratzen dute urak aurrean harra­patutako guztia eraman zuela, baratza eta sagastiak esaterako: «kalteak ikaragarriak izan dira, eta oraindik zenbatze lanetan ari gara. Uholdeen ondorioak la­rriak izango dira, are gehiago bizi dugun egoera eko­nomikoa kontuan izanda». Horrez gain, mozioan diote Eusko Jaurlaritzak 2007an egin zuen azterketa ez dela nahikoa uholdeen eragina edo kaltea ekiditeko, eta aurtengo uholdeek azterketa zehatzago bat egin behar dela erakutsi dutela. Hori guztia kontuan izanda, mozioan onartu ziren lau puntuak hauek izan ziren: «1) URA agentziak Uru­mea ibaian aurreikusitako la­nak egiteko konpromisoa har dezala eskatzen dugu. 2) Her­naniko herrian egin b­e­harreko lanak egiteko Uda­larekin hi­tzarmena sina de­zala eskatzen dugu. 3) Her­naniko Udalak he­rritarrei eta lantegiei la­gun­tzeko bitarte­koak eta giza ba­liabideak bideratzeko konpro­misoa berresten du. 4) Uhol­deen kalt­eak jasan dituzten herri­tarrei eta lantegiei beha­rrezkoak diren laguntzak bi­de­ra ditzala eskatzen diegu Es­painiako Gobernua, Eusko Jaurlaritza eta Diputazioari».

Euskararen aldeko konpromisoa
Euskararen nazioarteko egu­na da abenduaren 3a, eta Ple­noak euskararen aldeko mozioa onartu zuen atzo, Gobernu taldearen, EAJren eta Hamaikabaten aldeko bo­tuekin. Mozioak dio, euskaraz bizi den Euskal Herria gauza ona dela denontzat, eta aro politiko berri honetan, hizkuntz gatazka konpontzea lehentasuna dela: «herritarrok gara euskara erabiltzeko eta Euskal Herria euskalduna berrosatzeko eragile, babesle eta berme, horrenbestez, ezinbestekoa da herri gogoa indartzea. Hala, mozioan, Udalak ondorengo konpro­misoak hartzen ditu: «1) Udal honek bere esku dagoen guztia egingo du zer­bitzu publikoak eskaintzen dituzten langileen euskal­dun­tzea bultzatu eta bermatzeko. 2) Udal honek bere esku da­goen guztia egingo du bere zerbitzu publikoak eskaintzen dituzten langileen lehen hitza beti euskaraz izan dadin. 3) Udal honek bere esku dagoen guztia egingo du bere barne funtzionamendua euskaraz izan dadin. 4) Udal honek konpromisoa hartzen du gure herrian euskaraz bizitzeko es­kubidea helburu duen plan­gintza integrala garatzeko, uda­lerri honetako euskal ko­munitateak dituen hizkun­tza eskubide indibi­dual eta ko­lektiboak bermatze aldera».

Euskal Presoen eskubideen alde, bi mozio
Plenoak onartu zituen beste bi mozioak euskal presoen es­kubideen aldekoak izan ziren. Aurrenekoa Bilduk aur­keztu zuen, eta bere botuekin onartu zen. Bertan, honako puntuak onartu ziren: «1) Udal honek, bizi dugun aukera historiko honen au­rrean, Euskal Preso Politikoen eskubideen errespetua eska­tzen du. Hala nola, besteak beste, dispertsioaren amaiera eta preso guztien Euskal He­rriratzea, gaixotasun la­rriak dituzten presoen aska­tzea eta zigorra beteta du­tenen as­katzea. 2) Udal honek, da­torren urtarrilaren 7an Euskal Preso Politikoen es­kubideen alde burutuko den mani­festaldirako deia egiten du. 3) Norabide horretan eta mo­bilizazio horren harira, aben­duaren 16ean Udal honetako hautetsiek baraua egin eta eguerdiko 12etan kontzen­trazioa burutuko dugu. 4) Gure udalerriko eragile guz­tiei deialdia luzatzen diegu urtarrilak 7ko mobilizazioa­rekin bat egin eta beronen eskutan dagoena egin dezaten bere ekimen kultural, sozial edo kirolen alorreko ordu­tegiak berau indartze aldera kokatu ditzaten. 5) Herritarrei deialdi zabal eta anitza luzatu nahi diegu ezberdintasun politiko guztien gainetik giza eskubideen alde urratsa eman eta herri honek inoiz ezagutu duen mobilizaziorik handiena denon artean osatu dezagun». Ondoren, EAJk bere mo­zioa aurkeztu zuen, eta bere eta Hamaikabaten botoe­kin, eta Bilduren abstentzioa­re­kin onartu zen. PSOEk aurka bozkatu zuen. Mozioan onar­tutako puntuak, hiru: «1) ETAk Aieteko manifes­tuari erantzunez, behin be­tiko ekintza armatua utzi iza­na adieraztea aintzat hartzen dugu. 2) Berriro diogu beha­rrezkoa izango dela, adiski­detzean, aitorpenean, kon­pen­­tsazioan eta biktima guztien laguntzan aurreratzea, sor­tutako mina aitortuz eta per­tsonen eta gizartearen zauriak sendatzen lagunduz. 3) Euskal presoak jasaten ari diren bere oinarrizko eskubideen urra­keten aurrean, Eusko Lege­bil­tzarrak, 2006ko urriaren 6an, euskal presoen eskubideen defentsarako kon­promisoari buruz onartu­takoa, berresten du».