hamabost puntu izango ditu gaurko Plenoak aztertu eta ondoren bozkatzeko. Arratsaldeko 19:00etan izango da, Udaleko Pleno aretoan (2garren solairuan). Aztergai izango dituzten puntu gehienak tramiteak izango dira, besteak beste, Sagastiyako etxeen edo Parke Teknologikoaren ingurukoak.
Uholdeak, hizketagai
Plenoko puntu nagusienetako bat joan den azaroaren 6ko uholdeen ingurukoa izango da. Atzoko Hirigintza Batzordean onartu zen uholdeak saiheste aldera, aldaketa bat egitea Uraren Euskal Agentziarekin dagoen protokoloan.
Bi mozio, gaur
Plenoak bozkatuko dituen beste bi puntu mozioak izango dira: bat, datorren azaroaren 3an izango den Euskararen Nazioarteko Egunaren ingurukoa, eta bestea, Euskal Presoen eskubideen aldekoa.