Martiarena txapeldun, inoizko parte hartzaile gehiena izan duen txapelketan

Hernaniko Xake Txapel­ketan 33 jokalari aritu dira aurten; inoiz baino gehiago. Giro ederrean joan da txapelketa eta modu berean bukatu zuten atzo. Martiarena andoaindarra izan da txapeldun, 6 punturekin. Txapela, garaikurra eta Zumitzan afaria irabazi ditu. Navascues hernaniarra bigarren geratu da puntutan berdinduta. Hirugarrena berriz, Breogan izan da 5,5 punturekin eta lehenengo her­naniarraren saria eman zioten.
Horiez gain, beste hiru lagun saritu zituzten: Julian Romero, lehenengo federatu gabea izateagatik (7garren geratu da 4,5 punturekin); Arandia, lehenengo gaztea izateagatik (8garren geratu da 4,5 punturekin); eta Udakiola, lehenengo beteranoa izateagatik (13garren geratu da 4 punturekin). Saritu guztiek garaikurra jaso zuten.
Laugarren postuan Manso geratu da 5,5 punturekin, bosgarrenean Ixidro 5 punturekin eta seigarrenean Jon Altuna 4,5 punturekin.