Finalaren bila, Rezola eta Gaztelumendi gaur, Agirre eta Irazu bihar

finala gainean da. 8 ber­tso­lari pasako dira fi­nalera, eta 18 geratzen dira txapelketan. Finalerdiak hiru saiotan joka­tu­ko dira; saio bakoitzen 6 bertsolari, aurreko saioetatik sailkatu direnak. Tartean, Her­naniko bertso eskolako 4 ge­ra­tzen dira, eta laurek asteburu honetan kantatuko dute: Agin Rezola eta Beñat Gaztelumen­dik gaur, 17:30­etan, Arrasate­ko Uarkape kirolde­gian; Unai Agirre eta Jexux Mari Irazuk bihar, Tolosako Usabal kirol­de­gian. Finalerdietako azken saioa Hernanin jokatuko da, aben­duaren 4an, Galarretan; bertan ez da Hernaniko ordezkaririk izango, baina ikusmin ikara­ga­rria bai, han jakingo baita zein 8 bertsolari diren finalistak. Saio gogorrenak, gaur eta bihar Zozketatu egin da zeinek kantatuko duen saio bakoi­tzean, eta gaurkoa eta bihar­koa dira gogorrenak, ber­tso­la­riei begiratuta. Gaztelumendik azken urte bikainak egin ditu; hain justu, orain dela 4 urte Gi­puzkoako final honetan kan­tatu zuen, eta bigarren postua lortu, Mendiluzeren atzetik. Aur­ten, bera da txapelerako faboritoetako bat. Rezola ere purian da. Gipuzkoako txa­pel­ketan lehenengo fasetik kan­tatu behar izan du, eta honaino iritsita, zer galdurik gabe ariko da gaur, astigartarra. Agirrek eta Irazuk bihar du­te saioa, Tolosan. Biek ere, orain dela lau urteko finalean kantatuta, aukera haundiak dituzte berriz ere finala ha­rra­patzeko, beren mailan kan­ta­tzen badute. Kontrarioak ere bikainak dituzte. Sarriegi, Euskal Herriko finalista; Jon Martin, Gipuzkoako bigarrena 2003an; Zubeldia, Gipuzkoako finalis­ta izana; Elustondo, aurten maila ikaragarrian ari dena... Zuzenean finalera pasako da saio bakoitzeko lehenen­go­a. Gainerako 5ak, puntuazioz.

FINALERDIAK

Arrasate, Gaur, 17:30, Uarkape kiroldegia
Beñat Gaztelumendi  
Felix Zubia   
Alaia Martin   
Agin Rezola 
Iker Zubeldia    Iban Urdangarin

Tolosa, Bihar, 17:30, Usabal kiroldegia
Jexux Mari Irazu      
Aitor Sarriegi      
Unai Agirre      
Beñat Lizaso      
Nerea Elustondo      
Iñigo Izagirre

Hernani, Abenduak 4, 17:30 Galarreta pelotalekua
Jon Martin      
Jokin Uranga      
Iñigo Mantzisidor Mantxi      
Amaia Agirre      
Iñaki Apalategi      
Ainhoa Agirreazaldegi