Amher elkarteak Inmigrazioa eta harremanak gai hartuta, zine zikloa antolatu du. Aurtengo ziklo honetan, etorkinen eta bertan bizi direnen artean sortzen diren harremanak aztertuko dituzte. Harreman asko sortzen dira, hala nola, lan harremana, laguntza, gorrotoa, gertutasuna, laguntasuna, bikote harremana... Zineak, herrialde batean jaio direnen eta bertatik kanpo jaio direnen arteko harreman horiek landu izan ditu behin baino gehiagotan eta pelikula horietako hiru izango dira ikusgai. Gaur izango da lehenengo emanaldia: Bienvenido. Hurrengoa abenduaren 2an izango da: Los visitantes. Eta azkena abenduaren 16an: Retorno a Hansala. Guztiak ostiraletan izango dira, arratsaldeko 19:00etatik aurrera, Sandiusterrin, doan. Pelikularen ostean, mahaingurua izango da.
‘Bienvenido’
Iraneko Kurdistanetik Ingalaterrara doan 17 urteko gazte bat Frantziatik ezin pasata geratuko da. Bertan, Simon ezagutuko du.