Herriko musikariek alaitu zuten atzoko egun goibela

Lainoak eta euria izan zi­ren nagusi atzokoan, baina ez ziren oztopo izan Herna­niko musikariek euren egu­na ospatzeko. Santa Zezilia behar bezala ospatu zuten, arratsaldean hiru kontzertu eskainiz eta eguna alaituz. Musika Eskolako ikasleak, lehendabizi, plaza girotu zu­ten udaletxeko arkupetan es­kaini zuten saioarekin. Ondo­ren, Musika Eskolako ikasleek baita ere, San­ta Zeziliako kon­tzertua eskaini zuten San­diusterrin. Goiz Eguzki abes­ba­tzako kideek ere ospatu nahi izan zuten musikarien eguna eta 10 kantutako kon­tzertu ederra eman zuten. Bestalde, Musika Eskola­ko txistulari eta saxofoi taldeek kontzertua emango dute gaur, Gasteizen. Kontzertu hori bera eskaini zuten igandean, Uda­le­txeko arkupetan.